XX. mendeko Euskararen Corpus estatistikoa
Testuingurua
Txapelketa ugari izango dira jokoan asteburuan afizionatuetan
Eusakal Ligako promozioak erabakiko dira asteburuan A.U./EUSKAL LIGAKO promozioetako itzuliko partiduak jokatuko dira asteburuan.
Kasu batzutan gauzak estu daude.
Eskuz banaka, adibidez, Herriarenek 18-17 irabazi zion Añorgari joanekoan eta oraingoan Añorgan jokatuko dute itzulikoa.
Eskuz binaka, Gasteizko Adurtza 22-19 nagusitu zen Baztango Txarutaren aurrean.
Txapelketa aldatuz, jubenil mailako GRAVN torneoan Errioxa eta Araba neurtuko dira gaur (16:00) Logroñoko Adarragan.
Bihar, Labriten (10:30) Nafarroa eta Bizkaia.
Gipuzkoak atseden izango du asteburu honetan.
Herri Arteko Gipuzkoa eta Bizkaiko Txapelketetan hainbat neurketetako joaneko partiduak jokatuko dira gaur.
Gipuzkoan, Eskoriatza-Eibar (10:30), Lasarte-Arrasate (16:00) eta Tolosa-Deba (17:00).
Bizkaian, Zornotza-Urduliz (19:00), Lezama-Igorre (11:00), Mungia-Berriz (18:00), Zeanuri-Sestao (18:00), Berango-Muskiz (18:30) eta Trapagaran-Gallarta.
Bihar, Balmaseda-Galdakao (11:00).
Espainiako Federazioen Arteko Txapelketara pasatuz, euskal ordezkari guztiek Euskal Herritik kanpo jokatuko dute.